المقدمه
تخيل أنك ماشي في طريق سريع و الأشارة حمراء و انت عايز تعدي الشارع, ياتري ايه المتوقع, أقل توقع ممكن تكون حادثه او وفاه لا قدر الله.
الأمل موجود
أحنا دلوقتي عايشين علي الطريق السريع ده و هي دي الدنيا دلوقتي للاسف الأشاره داليما حمراء, دايما الخطر بيهددنا من تحريف لقيمنا و معتقداتنا و للاسف كمان في ديننا, فطبيعي أي حد ممكن يقع أو تذل قدمنا من كثره القتنه اللي معرضين ليها و دورنا اننا نذكر بعض لعله تكون المنجيه لنا.
كلامنا النهارده مش كلام في الدين و شرح لمعانيه لان ده له أهله و شيوخه لكن احنا بس هنحاول ندي الأمل ان ممكن تبقي اشارتنا خضراء في الطريق ده.
فتنه الحجاب
طبعا الفتره اللي فاتت كلنا شفنا كمية الهجوم علي الحجاب و اللي يقول ده فرض و اللي يقول اثبتولي فرضيته و اللي يقول مش فرض و اللي يقول الدين مش بالحجاب و فتنه ان ناس كتير تقلع الحجاب و تحقق ذاتها و تنجح في الدنيا و يعيش مبسوط, هي دي الفتنه, و لكن كل الشيوخ ايا كان من هم مع اختلاف آرآهم في بعض الأمور الفقهيه الا انها اجمعوا علي فرضيه الحجاب و اوضحوا شروطه, حجاب ايه اللي مش فرض , حجاب ايه اللي يعطل نجاح أي بنت .
الفيديو ده في بنات قلعت الحجاب لانهم كانوا فاكرين انه هيعطلهم بس اكتشفوا حاجه
المرجعيه الدينيه مين؟
للاسف موضوع تاني مهم جدا اننا ممكن نسمع كلام ناس سواء كانوا اشخاص عاديين او ناس بتتدعي العلم مش علماء و نمشي وراء كلامهم و ارائهم و بدون تفكير طب احدد منين ده شيخ امشي وراء كلامه و لا لأ, الأصل اننا نرجع لدار الأفتاء و خصوصا في امور الفتاوي و اللي بتختلف من ظروف شخص للتاني مش سهل حد يقول حرام و حلال علشان كده مرجعيتك الأولي لازم تكون دار الأفتاء سواء كانت ايه بلدك و طبعا في مصر دار الأفتاء المصريه تقدر تتواصل بالتليفون بكل سريه و تعرف اجابتك كلها
زمن الفتنه
للاسف نحن نعيش في زمن مليء بالفتن من حولنا الشهره و النجوميه اصبحوا مرتبطين في عقول الناس بالتخلي عن مبادئك و لكن هذا هو الخطأ الكبير لان بدأننا نشكك في الحاجات الأساسيه و فروض في الدين و في قضايا لا يسمح مجال فيها بالخلاف, و علشان يكون مقالنا مميز في فيديو تاني عن ايه اللبس الصح للبنت المسلمه و ايه شروطه مشروح
في الفيديو ده للداعيه مصطفي حسني باسلوب اكثر من رائع
في الفيديو ده للداعيه مصطفي حسني باسلوب اكثر من رائع
الختام
الهدف من المقال ده هو اعطاء اشاره تنبه عقولنا لو حسينا اننا بدأنا نتأثر بالفتن فهنا اهميه مرجعيتك في الدين علشان تنهي الخلاف ده نهائيا و طبعا ذي ما بننشر اي خلاق في الدين علي مواقع التواصل الاجتماعي او فلانه قلعت الحجاب و عايشه مبسوطه و فلانه حققت ذاتها لما قلعت الحجاب في نماذج كتير مشرفه وصلت لاعلي الدرجات و هي ملتزمه بحجابها... لحترس لا تزال الشاره حمراء
و نسأل الله ان يثبتنا في ديننا و يعصمنا من الفتن و يردنا دايما للحق و يحفظ بناتنا و بلدنا من كل سوء يارب.
